Nahau ni maneno yenye maana maalum ambayo hayajatokana na maana za kawaida za maneno hayo.

Zifuatazo ni nahau za kuelezea hali mbalimbali

• kuoa – kupata jiko, kuasi ukapera, kufunga ndoa/nikahi/nikaha, kufunga pingu za maisha.

• kufanya bidii – kujifunga nira, kujifunga masombo, kujifunga kibwebwe.

• kufa – kwenda jongomeo, kwenda kuzimuni, kufuata njia ya marahaba, kupungia dunia mkono wa buriani, kutangulia mbele ya haki, kuipa dunia kisogo, kukata kamba, koma moyo
• kuwa mzembe – kulaza damu, kuwa kupe, kuwa chaza, kuwa na mkono mzito.

• kupona – kupata nafuu, kuona ashekari, kuona afueni.
• kuwa na bahati – kuwa na ndege mzuri, kushukiwa na nyota ya jaha, kuwa na mkono mzuri

• kuvumilia matatizo – kuuma meno, kumeza mate machungu.
  
  
• kufukuzwa kazini – kupigwa kalamu, kuonyeshwa mlango, kuonyeshwa paa, kumwaga unga.

• kuharibika kwa jambo au mambo – mambo kwenda mrama, mambo kwenda shoto, mambo kwenda upogo, mambo kwenda segemnege, mambo kutumbukia nyongo.

• kupuuza – kutemea mate, kuonyesha mgongo, kuvalia miwani, kufumbia macho.
• kuongea maneno ya busara – kutoa lulu.
• kuongea maneno yasiyo na maana – kutoa ngebe, kutoa maneno ya mkahawani.

• kudanganya – kutia kiwi, kupaka mafuta kwa tako au kwa mgongo wa chupa, kumpatia mtu ulimi wa kulazia, kupiga mafamba, kuuza upepo kwa dunia, 
• kucheza kayaya za chini kwa chini -  kujuta – kuuma vidole

• kukimbia hatari – kuchana mbuga, kutimua mbio, kutoka shoti, kusema mguu niponye, kuponda wa fisi, kutwika miguu mabegani.
• kutembea – kupiga miguu, kupiga milundi.
• kulewa pombe – kupiga maji, kuvaa miwani, kuchapa mtindi.

• kukasirika – kupandwa na mori, kupandwa na mafutu, kuchemkwa na damu, kuchemkwa na nyongo, kupandwa na madadi. 

• kufikiria sana – kujikuna kichwa.

• kupatwa na matatizo – kupigwa na urumo, kula mumbi, kuogelea kwenye mchanga wa moto, kuingia kwenye maji makuu, maji kuwa ya shingoni, kuingia kwenye tanuri la moto, maji kuzidi unga.
• kuwa na tamaa – kuwa na mate ya fisi, kumezea kitu mate
• kuomba kwa Mola – kupiga dua, kupiga bisimillahi

• kuwa na njaa – kubanwa na kapu.
• kula chakula – kushtaki njaa, kufanyia mlo/chakula haki.

• kukamatwa – kutiwa mbaroni, kutiwa nguvuni.
• kufungwa gerezani – kula kalenda.
• kuzungumza – kupiga soga, kula gumzo, kula nyama ya ulimi.

• kushinda – kufua dafu

• kupoteza matumaini – kufa moyo, kuvunjika moyo, kukata tamaa.
• kupotea njia – kukanyaga chechele

• kutoa rushwa – kuzunguka mbuyu, kupiga konde la nyuma, kutoa mlungula.
• kupata upinzani – kutolewa jasho,
• kutolewa kamasi - kukonda, kuwa fremu, kuwa gofu,

• kukaukwa na damu, - kuwa mfupa.
• kumkanya mtu – kumshika sikio.

• kumpa mtu pole – kumpa mkono wa tanzia.

• kuwa mchoyo – kuwa na mkono wa birika/buli, kuwa joka la mdimu.
• kuongoza – kushika usukani, kushika hatamu za uongozi.

• kuondoka – kung’oa nanga.

• kuwa wa mwisho – kushika mkia, kushika nanga.
• kufikia mwisho – kutia nanga, kufikia ukingoni.
• kufitini – kutia fitina, kutia chuku, kutia utambi, kuchoma nguru.

• kumaliza kiu ya maji – kukata kiu, kukonga roho.
• kumwomba mtu msamaha – kumwangukia mguuni.

• kumheshimu mtu – kumvulia kofia, kumshika miguu.

• kufanya kazi – kuzimbua riziki, kutafuta unga, kushika mpini, kumwaga jasho.
• kumwaibisha mtu -kumvunjia mtu mbeleko, kumvua mtu nguo. kumpaka mtu mavi, kumpaka mtu vumbi.
• kumtia kiraka - kuwa adui, kutopaliana moto, kutopikika katika chungu kimoja, kuwa maji na mafuta.